اسهل طريقه لتعلم اللغه الانجليزيه في اسبوع

الخطوة الأولى: learn english Online


هنقسم أزمنة اللغة الإنجليزية لأجزاء صغيرة عشان نقدر نذاكرها , ومن اهم الخطوات عشان تعلم اللغة الانجليزية هتكون سهله فركز كدا  معايا عشان هندخل في الجد 😀
– عندنا في العربي 3 أزمنة فقط وهم:
مضارع وماضي ومستقبل

– أما في الإنجليزي عندنا 3 أزمنة وهم:


Present مضارع – Past ماضي – Future مستقبل
وكل زمن من دول ليه 4 صور
يعني المجموع 12 زمن مرة واحدة 😮
أكيد لو ذاكرتهم مرة واحدة هتتلغبط وتحس إن القواعد دي عقدة وعمرك ماهتعرف تتعلم لغة إنجليزية بسهولة :/

يبقى الحل زي ماقولتلك هنفرقهم (هنقسمهم) لأجزاء صغيرة

نبدأ بالزمن المضارع Present ده قولنا ليه 4 صور وهم:

1- Simple  بسيط
2- Continuous مستمر
3- Perfect  تام
4- Perfect continuous تام مستمر

وتسهيلًا عليك دول نفس الأربع صور بتوع الماضي والمستقبل كمان

ميس ميرفت غلطت إنها مكنتش بتربطلنا الأزمنة دي ببعض زي ما أنا شرحتلك كدا فبالتالي كنا بنتوه ومنبقاش عارفين مين بيودي على فين 🙁

كدا أنت عرفت الزتونة بتاعت الأزمنة وتعلم اللغة الإنجليزية عشان محدش يضحك عليك ويقولك إن الجرامر عقدة

الخطوة التانية: learn english Online



هتجيب ورقة ملونة وقلم وتكتب على وش الورقة اسم الزمن
وعلى ضهر الورقة هتكتب
أ- الزمن بيعبر عن ايه؟
ب- الزمن بيتكون من ايه؟
ج- مثال على الزمن
ناخد تطبيق على الكلام ده سوا عشان متتلغبطش ^__^

وليكن هنكتب على وش الورقة اسم زمن المضارع البسيط Present simple

وعلى ضهرها هنكتب الآتي:
1- إن الزمن بيعبر عن حقائق أو عادات يومية

2- تكوين الزمن
إن الزمن بيتكون من الفاعل زي it, he, she + الفعل الأساسي (آخره حرف s لان قبله ضمير مفرد) + باقي الجملة
مثال
he eats eggs on breakfast
أو من  الفاعل زي you, we, they, I + الفعل الأساسي (في المصدر) + باقي الجملة
I watch TV every night

3- أمثلة:
The sky is blue (حقيقة)
I go to school by bus everyday (عادة)

* هتلاقي كل الأزمنة متجمعة هنا بنفس التنظيم ده

الخطوة الثالثة: الاستمرارية

يااما تطبع الشرح اللي في اللينك اللي فات يا تخليه مع على الموبايل
وتفضل طول ماأنت فاضي تراجع عليه بدل المرة عشرة عشان متنساش لان تعلم قواعد اللغة الإنجليزية على أد ماهو سهل في المذاكرة لكنها بيتنسى بسرعة لو مراجعناش عليه (y)
ومع التكرار مع أول أسبوع هتلاقي نفسك عرفت اغلب القواعد اللي كانت صعبة عليك وأصبح تنعلم اللغة الإنجليزية أكثر متعة 😀

Comments

Popular posts from this blog

قصة العروسة المظلومة كاملة

10 Tips for a Good Shoe Fit !

AC Safety Capacitors